वय कितीही असो जगण्यासाठी शेवटपर्यंत धडपड करावीच लागते. आपल्याला उतारवयात आपल्या लेकरांनी सांभाळावे अशी प्रत्येक आईवडिलांची इच्छा असते पण परिस्थिती किंवा नियतीमुळे ते कधीकधी शक्य होत नाही. अनेक वयस्कर व्यक्तींना मरेपर्यंत काम करावं लागतं. सध्या एका आजोबाचा व्हिडिओ सोशल मीडियावर व्हायरल झाला आहे.

व्हायरल होत असलेल्या व्हिडिओमध्ये एक आजोबा लग्न समारंभात ताशा वाजवताना दिसत आहेत. या आजोबांचे वय ९५ असल्याचं व्हिडिओमध्ये सांगण्यात येत आहे. ९५ वर्षाचे आजोबा आजसुद्धा मेहनत करून खातात असं कॅप्शन या व्हिडिओखाली देण्यात आलं आहे. तर इंस्टाग्रामवर शेअर करण्यात आलेल्या व्हिडिओला नेटकऱ्यांनी शेअर केलं आहे.

दरम्यान, हा व्हिडिओ जवळपास ४० लाख लोकांनी लाईक केलं असून ५० हजार लोकांनी यावर आपल्या कमेंट केल्या आहेत. पण या आजोबांचा भावनिक व्हिडिओ पाहून तुम्हीही स्तब्ध व्हाल. वयाच्या या स्टेजला आजोबांना काम करावं लागत असल्यामुळे नेटकऱ्यांनी आपल्या भावनिक प्रतिक्रिया व्यक्त केल्या आहेत.