दिल्लीचे मुख्यमंत्री अरविंद केजरीवाल तेलंगणामध्ये भारत राष्ट्र समितीच्या (BRS) कार्यक्रमात भाषण करत होते. यावेळे केजरीवाल यांनी जनतेला संबोधित करताना नरेंद्र मोदी सरकारवर जोरदार हल्ला चढवला. या भाषणातील एक क्लीप सध्या व्हायरल होत असून यामध्ये अरविंद केजरीवाल यांचं हसू झाल्याचं दिसून येत आहे. दरम्यान हा व्हिडीओ शेअर करत भाजपकडून देखील केजरीवालांनवर निशाणा साधला जात आहे. (arvind kejriwal telangana viral video)

केजरीवाल यांच्या या भाषणाचा व्हिडिओ शेअर करताना भाजप खासदार मनोज तिवारी यांनी दिल्लीच्या मुख्यमंत्र्यांवर निशाणा साधला. यावर सोशल मीडिया यूजर्सनीही देखील अनेक कमेंट्स केल्या आहेत.

केजरीवाल काय म्हणाले..

भाषणादरम्यान दिल्लीचे मुख्यमंत्री अरविंद केजरीवाल समोर बलेलेल्या जनसमुदायाला म्हणाले की, तुमच्यापैकी कोण-कोण बेरोजगार आहे? हात वर करून मला सांगा, जे इथे बेरोजगार आहेत, हात वर करा. केजरीवालांच्या बोलण्यावर बसलेल्या हजारो लोकांपैकी कोणीही हात वर केला नाही. त्यानंतर लगेच केजरीवालांनी सांभाळून घेत, मला वाटते लोकांना माझी भाषा समजत नाहीये, नाहीतर बरेच बेरोजगार आहेत.

मनोज तिवारींनी साधला निशाणा

भाजप खासदा मनोज तिवारी यांनी दिल्लीच्या मुख्यमंत्र्यांचा व्हिडिओ शेअर करताना त्यांच्यावर निशाणा साधला आहे. त्यांनी त्यांच्या अधिकृत ट्विटर हँडलवरून लिहिले की, “विधानसभेत उद्धटपणाची भाषा. आप सरकारमधील भ्रष्टाचाराची भाषा, तर इथे तेलंगणात खोटेपणाची भाषा. तेलंगणातील जनतेने तुम्हाला आरसा दाखवला. त्यामुळे एकही हात वर केला गेला नाही.

तेलंगणामध्ये सत्ताधारी भारत राष्ट्र समिती (BRS) ची एक भव्य सभा आयोजित करण्यात आली होती. या सभेत दिल्लीचे मुख्यमंत्री अरविंद केजरीवाल , पंजाबचे मुख्यमंत्री भगवंत मान, केरळचे मुख्यमंत्री पिनराई विजयन, समाजवादी पक्षाचे प्रमुख अखिलेश यादव आणि भारतीय कम्युनिस्ट पक्षाचे नेते डी. राजा (डी. राजा) सामील झाले होते.