हवेत उडणारा माणूस कधी पाहिलाय? विमानातून नाही... विमानाशिवाय हवेत उडणारा व्यक्ती पाहिलाय का? हो हे शक्य आहे. दुबईत एक डिलिव्हरी एजंट पार्सल पोहोचवण्यासाठी हवेत उडत येतानाचा व्हिडिओ सध्या व्हायरल होत आहे. आपल्या घरी पार्सल पोहोचवण्यासाठी हवेत उडत येणारा डिलीव्हरी बॉय पाहून आपणही थक्क व्हाल.

(Flying Man Viral Video)

व्हायरल होत असलेला व्हिडिओ हा सौदी अरेबिया येथील असल्याचं समोर आलं आहे. एक व्यक्ती पार्सल पोहोचवण्यासाठी एका इमारतीवरून दुसऱ्या इमारतीवर उडत जात आहे. तर दुसऱ्या इमारतीवर एक महिला हे पार्सल घेण्यासाठी थांबलेली आपल्याला या व्हिडिओत दिसत आहे. तर काहीजणांकडून हा व्हिडिओ खोटा असल्याचं सांगण्यात येत आहे.

जेटपॅक लावून हा व्यक्ती एका इमारतीवरून जात आहे. हा व्हिडिओ सध्या नेटकऱ्यांकडून व्हायरल होत आहे. या व्हिडिओला तब्बल ४० लाख लोकांनी पाहिलं असून ८० हजार लोकांनी लाईक केले आहे. तर अनेकांकडून हा व्हिडिओ खोटा असल्याचा दावा केला जात असून या व्हिडिओसंदर्भात अजून माहिती समोर आली नाही.