सोशल मीडियावर अनेक विनोदी व्हिडिओ व्हायरल होत असतात. तर या माध्यमातून जगातल्या विविध घटना आपल्यापर्यंत पोहोचत असतात. यातून आपल्याला वेगवेगळ्या स्वभावाचे लोकं, घटना माहिती होत असतात. सध्या असाच एक व्हिडिओ सोशल मीडियावर व्हायरल झाला असून त्यामध्ये एक तरूण प्रेयसी आपल्या प्रियकरावर नाराज झाल्यानंतर टॉवरवर चढली आहे.

अधिक माहितीनुसार, ही घटना छत्तीसगढ येथील असल्याची माहिती समोर आली आहे. प्रियकरासोबत भांडण झाल्यानंतर ही तरूणी प्रियकरावर नाराज झाली आणि थेट हाय व्होल्टेज टॉवरवरच्या टोकावर चढली. या टॉवरची उंची पाहून आपणही थक्क व्हाल. तर या प्रेयसीला मनवण्यासाठी पुन्हा प्रियकरही टॉवरवर चढला आणि काही काळानंतर ते दोघेही परत आल्याची माहिती समोर आली आहे.

दरम्यान, हे प्रेमीयुगुल जवळपास अर्ध्या तासांपर्यंत या टॉवरवर होते. त्यानंतर हे दोघेही खाली आल्याची माहिती आहे. या घटनेनंतर पोलिसांनी चोकशी सुरू केली आहे. तर हा व्हिडिओ सोशल मीडियावर चांगलाच व्हायरल झालाय. अनेकांनी या व्हिडिओवर आपल्या प्रतिक्रिया व्यक्त केल्या आहेत.