क्रिकेटर विराट कोहलीची पत्नी आणि अभिनेत्री अनुष्का शर्मा हिचा एक व्हिडिओ सोशल मीडियावर व्हायरल झाला असून ती हेल्मेट घालून पाणी पिण्याचा प्रयत्न करताना दिसत आहे. पण हेल्मेट घातल्यामुळे तिला पाणी पिता येत नाही. हा व्हिडिओ सोशल मीडियावर चांगलाच व्हायरल झाला आहे.

दरम्यान, विराट कोहलीची पत्नी मैदानावर क्रिकेच खेळत आहे. खेळत असताना तिला तहान लागते आणि एकजण तिला पाण्याची बाटली आणून देतो. पण ती हेल्मेट न काढताच पाणी पिऊ लागते. तिला पाणी पिता येत नाही. त्यानंतर ती विचारते, "हेल्मेट न काढता पाणी कसं प्यायचं, मी असं पाहिलं आहे" त्यानंतर मैदानावर उपस्थित असलेल्यांना हसू आवरलं नाही.

सामना सुरू असताना विराट कोहली हेल्मेट डोक्याला असतानाही पाणी पिताना आपण अनेकदा पाहिलं असेल. पण त्याची कॉपी करणं अनुष्काला जमलं नाही म्हणून चांगलाच हशा पिकला. अनुष्काच्या या व्हिडिओला नेटकऱ्यांनी चांगलच शेअर केलं असून त्यावर आपल्या प्रतिक्रिया व्यक्त केल्या आहेत. इंस्टाग्रामवर या व्हिडिओला १ लाखांपेक्षा अधिक जणांनी लाईक केलं आहे.