Aunty is on Fire Viral Video : लग्नाचं संगीत असो, मेहंदी असो किंवा अगदी वरात डांस शिवाय लग्न समारंभ पूर्ण होऊच शकत नाही. मग यात लोक जे बेभान होऊन नाचतात की, त्याचे व्हिडीओ व्हायरल होतात अन् बघणारे पण फिदा होत पोट धरून हसतात. असाच एक व्हिडीओ सध्या व्हायरल होत आहे.

हा व्हिडीओमध्ये सर्वजण डान्सच्या तालावर नाचत असल्याचे दिसत आहे. त्याचवेळी एक महिला उत्साहात आपले भान हरपून तिच्याच शैलीत नाचताना दिसतेय. ही महिला नाचण्यात इतकी धुंद असते की ती चप्पल घालायलाही विसरते. इतकंच नाही तर नाचताना ती खाली बसते, मागे वाकते आणि मग उड्या मारायला लागते.

हेही वाचा - कर्ज परतफेडीच्या नियोजनाचे पाच मार्ग...

अचानक महिलेचा डान्स बघून इतर लोकांना काही सेकंद काहीच समजले नाही. मात्र त्यानंतर त्या महिलेला जागा देत सर्वजण तिचा नाचण्याचा उत्साह वाढवताना दिसत आहेत. त्यासोबत स्वतःही नाचण्याचा आनंद घेत आहेत. या वयात देखील या महिलेचा नाचण्याचा जोश बघून तुम्ही देखील चक्रावून जाल.