लोकं काय करतील याचा नेम नाही. कधीकधी कुत्र्या मांजराला पाणीपुरी खाऊ घालतील तर कधी त्यांची सजावट करून फोटोशूट करतील. असे अनेक प्रयोग लोकं आपल्या पाळीव प्राण्यांसोबत करत असतात. असाच एका कुत्र्याचा व्हिडिओ सध्या सोशल मीडियावर व्हायरल होत आहे. हा पाहून आपल्यालाही नवल वाटेल.

(Baby shower photoshoot of pet dog viral video)

हेही वाचा - सीमावादात रक्त सांडायला मराठी माणूसच का?

व्हायरल होत असलेल्या व्हिडिओमध्ये एक महिला आपल्या पाळीव कुत्र्याची सजावट करताना दिसत आहे. तर यामध्ये एका कुत्रीचे डोहाळे जेवणाची तयारी तिच्याकडून सुरू असल्याचं तिने आपल्या व्हिडिओच्या माहीतमध्ये सांगितलं आहे. कुत्रीला शालू, हार, पायात दोरा बांधून मस्तपैकी सजवण्यात आलं असून आम्रखंड, भात, मासे, बोंबील अशा पक्वानांच्या जेवणाचे ताट गल्लीतील कुत्र्याला खाऊ घातले जात आहे.

हा व्हिडिओ पाहून आपणही आश्चर्यचकित झाल्याशिवाय राहणार नाही. तर आता कुत्र्याचेही लाड पुरवले जातात, त्यांचेही डोहाळे पुरवले जातात अशा प्रतिक्रिया नेटकऱ्यांनी व्यक्त केल्या आहेत. हा व्हिडिओ सध्या सोशल मीडियावर चांगलाच व्हायरल होत असून अनेकांनी शेअर केला आहे. या व्हिडिओला इंस्टाग्रामवर तीन लाखापेक्षा जास्त लोकांनी लाईक केलं आहे.