बागेश्वर धामचे पंडित धिरेंद्र कृष्ण शास्त्री यांच्या कार्यक्रमातील एक व्हिडिओ सध्या सोशल मीडियावर व्हायरल झाला आहे. या व्हिडिओमध्ये एका लहान मुलीला चालू कार्यक्रमात सुरक्षा रक्षकाकडून उचलून बॅरिकेट्सच्या बाहेर टाकण्यात आलं आहे. हा व्हिडिओ सोशल मीडियावर व्हायरल झाला आहे.

व्हायरल होत असलेला व्हिडिओ बागेश्वर धाम यांच्या कार्यक्रमातील आहे. त्यांच्या कार्यक्रमात अनेक महिला आणि पुरूष येऊन आपली समस्या मांडत असतात. तर बागेश्वर बाबा आणि कार्यक्रमासाठी आलेल्या भक्तांच्या मध्ये बॅरिकेट्स लावले आहेत. तर तेथील स्वयंसेवक असलेल्या सुरक्षारक्षाकाने या बॅरिकेट्सवरून मुलीला उचलून पलीकडे टाकलं आहे.

यावेळी तिथे पोलिसही उपस्थित असल्याचं दिसत असून सदर मुलीच्या आईसमोर हा प्रकार घडला आहे. हा व्हिडिओ व्हायरल झाल्यानंतर संताप व्यक्त केला जात असून या बाबांवर कारवाई करण्याची मागणी नेटकऱ्यांकडून केली जात आहे. दरम्यान, याप्रकरणी तक्रार न करण्यासाठी बागेश्वर मठ प्रशासनाकडून सदर तरूणीच्या कुटुंबियांवर दबाव आणला जात असल्याचा दावा या व्हिडिओच्या कॅप्शनमध्ये करण्यात आला आहे.

हा व्हिडिओ abhishek_as_it_is या इंस्टाग्राम अकाऊंटवरून शेअर करण्यात आला आहे. कुणालाही या परिवारासंबंधी माहिती असेल तर मला कळवा मी त्यांची मदत करेल असं अवाहन करण्यात आलं आहे. तर हा व्हिडिओ नेटकऱ्यांनी शेअर केला आहे.