Cheetah Viral Video: मानवाला जशी मानसिक आधाराची गरज असते तशीच प्राण्यांनासुद्धा आधाराची गरज असते. अनेकदा पाळीव प्राण्यांना आपण जीव लावतो.

त्यामुळे त्यांनासुद्धा आपल्या भावना समजतात. सध्या असाच एक व्हिडिओ सोशल मीडियावर व्हायरल झाला असून एक चित्ता वाईल्डलाईफ फोटोग्राफरला चक्क मिठी मारताना दिसत आहे.

साधारण आपण जंगलात फिरायला गेल्यावर जंगली प्राणी आपल्यावर हल्ला करतात या भितीने आपण गाडीतून खाली उतरत नाही. पण हा व्हिडिओ पाहून आपल्याला धक्का बसेल. चित्ता हा खतरनाक प्राणी आहे, पण त्याने या फोटोग्राफरजवळ येत त्यालाच कुरवाळू लागला आहे. त्यानंतर फोटोग्राफरनेसुद्धा त्याला कुरवाळले आहे.

दरम्यान, हा व्हिडिओ पाहून जंगली प्राण्यांनाही मानसिक आधाराची गरज असते हे दिसून येते. या व्हिडिओवर नेटकऱ्यांनी आपल्या कमेंट केल्या असून हा चित्ता पाळलेला असावा अशी शक्यता वर्तवण्यात येत आहे. "भावा माझा फोटो कसा काढलास ते दाखव आधी" अशा विनोदी कमेंटसुद्धा या व्हिडिओवर केल्या आहेत.

Figen या ट्वीटरवरून हा व्हिडिओ शेअर करण्यात आला असून आत्तापर्यंत जवळपास २४ हजार नेटकऱ्यांनी या व्हिडिओला लाईक केलं असून १०० पेक्षा जास्त नेटकऱ्यांनी यावर आपलं मत व्यक्त केलं आहे.