Cobra Viral Video : दररोज सोशल मीडियावर लोकांचे वेगवेगळे फोटो व्हिडीओ व्हायरल होत असातात, आपल्यापैकी बऱ्याच जणांसाठी ती चांगली करमणुक ठरते. असाच एक व्हिडीओ सध्या व्हायरल झाला आहे ज्यामध्ये एक माणूस नागावर बंदुकीतून गोळीबार करताना दिसत आहे. हा व्हिडीओ तुफान व्हायरल होत आहे.

ट्विटरवर अपलोड करण्यात आलेल्या या क्लिपमध्ये एक व्यक्ती त्याच्या कारमध्ये बंदूक घेऊन बसलेला दिसत आहे. तो बंदुकीचा निशाणा जमिनीवर असलेल्या कोब्रा सापावर करतो आणि एकदाच गोळी झाडतो. साप आपले डोके सरळ ठेवतो आणि फणा पसरतो त्यामुळे त्या व्यक्तीचा नेम चुकतो. पण तो इतक्यावरच थांबत नाही तो पुन्हा गोळी झाडतो. यानंतर मात्र चिडलेला कोब्रा थेट त्या व्यक्तीवरच चाल करून जातो.

पॉइंट ब्लँक रेंजमधून सापावर दोन गोळ्या झाडणाऱ्या या व्यक्तीवर कोब्रा हल्ला करत असल्याचा हा व्हिडिओ सोशल मीडियावर व्हायरल झाल्यानंतर लोक मजेशीर कमेंट्स करत आहेत. या व्हिडिओला ट्विटरवर जवळपास दीड लाखाहून अधिक व्ह्यूज मिळाले आहेत आणि त्यावर प्रतिक्रियांचा पाऊस उडत आहे.