Corruption Viral Video : आपण एकीकडे लाचखोरी संपावी म्हणून जागृती करण्याच्या गोष्टी करतो तर दुसरीकडे कायद्याचे रक्षकच खुलेआम लाचखोरी करताना दिसतात. असाच एक व्हिडीओ सध्या व्हायरल होत आहे. यात दक्षता पथकाला येताना बघताच सबइंस्पेक्टरने लाच घेतलेले हजारो रुपये तोंडात टाकून चावले. पण पथकाने त्याच्या तोंडात बोट घालून बाहेर काढलं.

हा व्हिडीओ फरीदाबादच्या बल्लभगढ मधला आहे. तिथला सबइंस्पेक्टर महेंद्र पाल यांनी दक्षता पथकाला येताना बघून आपल्या लाचखोरीच्या गुन्ह्याचे पुरावे नष्ट करण्याचा प्रयत्न केला. यासाठी लाच घेतलेले पैसे त्याने तोंडात टाकले आणि चाऊ लागला.

पथकाने हे बघितल्यावर त्याच्या तोंडातून ते पैसे बाहेर काढण्यासाठी कसे प्रयत्न केले. अगदी तोंडात बोट घालत पैसे बाहेर काढायला लावल्याचा हा व्हिडीओ सध्या व्हायरल होत आहे.

या पथकाच्या माहितीनुसार सबइंस्पेक्ट पाल ने देशराज नावाच्या माणसाकडून १० हजार रुपयांची लाच घेतली. यापैकी ६ हजार रुपये त्याने आधी घेतलेले होते. नंतर पथकाने सापळा रचून त्याला पकडण्याचं ठरवलं होतं. त्यानुसार उरलेले ४ हजार घेताना त्याला पकडण्यात आलं.