दिल्ली : दिल्लीत भरदिवसा चार गुंडांनी एका उद्योजकाला लुटल्याची घटना घडली होती. भरसस्त्यात दिवसा कार अडवून बंदुकीचा धाक दाखवून गुंडांनी दरोडा टाकला होता. त्यानंतर गुन्हे शाखेने यातील पाच आरोपींना अटक केली आहे. ही थरारक घटना सीसीटीव्ही कॅमेऱ्यात कैद झाली असून व्हिडिओ सोशल मीडियावर चांगलाच व्हायरल झाला आहे.

अधिक माहितीनुसार, इंडिया गेटला रिंग रोडने जोडणाऱ्या प्रगती मैदान टनेलजवळ ही घटना घडली. डिलीव्हरी एजंट दोन लाख रूपयांची रोकड घेऊन गुरूग्रामला जात असताना दोन दुचाकीवरून चार दरोडेखोर आले आणि भर रस्त्याच्या मध्येच चारचाकी गाडीला थांबवत बंदुकीचा धाक दाखवून पैशांची बॅग घेऊन गेले. ही संपूर्ण घटना सीसीटीव्ही कॅमेऱ्यात कैद झाली होती.

दरम्यान, काल ही घटना घडल्यानंतर दिल्लीत आप आणि भाजप मध्ये एकमेकांवर टीकास्त्र सुरू झालं होतं. तर रात्रीपासून पोलिसांनी जागोजागी नाकाबंदी करत आरोपींचा शोध सुरू केला होता. आज पाच आरोपींना अटक केली असून अधिक तपास सुरू असल्याचं सांगण्यात येत आहे.