Myanmar Earthquake Videos : शुक्रवारी म्यानमारमध्ये ७.७ रिश्टर स्केलच्या तीव्रतेचा भूकंप झाला. या भूकंपाचे तीव्र धक्के म्यानमारच्या जवळपास असलेल्या बँकॉक आणि भारतातील दिल्ली आणि दिल्ली एनसीआरमध्येही जाणवले. भूकंपाच्या धक्क्यामुळे नागरिकांमध्ये भीतीचे वातावरण निर्माण झाले असून काही ठिकाणी लोक रस्त्यावर धावतांना दिसले.

भारतातील दिल्ली आणि एनसीआरमध्ये या भूकंपाचे तीव्र धक्के जाणवले, पण याबाबत दिल्लीत कोणतीही जीवितहानी झाल्याची माहिती मिळालेली नाही. मात्र, भूकंपाच्या धक्क्यामुळे इमारतीत असलेल्या नागरिकांना हलका गोंधळ आणि भीती होती. भारताच्या राजधानीत या भूकंपामुळे सामान्य जनजीवनावर मोठा परिणाम झालाय. या घटनेनंतर तात्काळ बचाव कार्य सुरू करण्यात आले होते. या भूकंपाचे धक्कादायक व्हिडिओ सोशल मिडियावर व्हायरल होत आहेत.

युनायटेड स्टेट्स जिओलॉजिकल सर्व्हे (USGS) नुसार, भूकंपाचा केंद्रबिंदू म्यानमारच्या मंडाले शहरापासून १७.२ किमी अंतरावर होता आणि तो १० किमी खोलपर्यंत झाला. यामुळे भूकंपाचे प्रभाव मोठ्या क्षेत्रात पसरले. म्यानमारमधील रस्त्यावर घबरलेल्या नागरिकांना सुरक्षित ठिकाणी पोहोचण्यासाठी धावपळ करतांना अनेक व्हिडीओ सोशल मीडियावर व्हायरल झाले आहेत, ज्यात काही इमारती मिनिटात कोसल्याचे दिसत आहे.

म्यानमारच्या अग्निशमन सेवा विभागाच्या एका अधिकाऱ्याने सांगितले की, “आम्ही जीवितहानी आणि नुकसानीची तपासणी सुरू केली आहे, पण आतापर्यंत आमच्याकडे कोणतीही गंभीर माहिती आलेली नाही.” तसेच, अनेक स्विमिंग पूलमधून पाणी बाहेर पडल्याचेही वृत्त समोर आले आहे. भूकंपाच्या धक्क्यानंतर अनेक नागरिक घराबाहेर आले, ज्यामुळे त्यांना सुरक्षेसाठी हलवले गेले.

त्यानंतर म्यानमारच्या दक्षिणी किनाऱ्याजवळ सागाइंग प्रदेशात भूकंपाचा केंद्रबिंदू होता. यामुळे तिथल्या लोकांना मोठ्या प्रमाणावर धक्के बसले आणि इमारतींमध्ये पाणी गळत असल्याचे पाहायला मिळाले. सध्या, प्रशासन भूकंपामुळे झालेल्या संभाव्य नुकसानीचा अहवाल तयार करत आहे आणि लोकांची सुरक्षितता सुनिश्चित करण्यासाठी मदत कार्य सुरू आहे.