आपल्या मुलांनी नेहमी उच्च स्थानावर जाऊन आपलं ध्येय पूर्ण करावं असं प्रत्येक पालकाला वाटत असतं. तर आपल्या पालकाची प्रगती पाहताना जे समाधान मिळत त्यापेक्षा मोठं समाधान पालकांचं दुसरं कोणतं नसतं. तर आपल्या हातानेच आपल्या मुलाला आर्मीचा बिल्ला प्रदान करण्याचा योग एका पालकाला आला आहे. याचा व्हिडिओ सोशल मीडियावर व्हायरल झाला आहे.

हेही वाचा - जोखीममुक्त व्यवहारांसाठी रिझर्व बँकेचा 'डिजिटल रुपया'

व्हायरल होत असलेल्या व्हिडिओ अमेरिकेतील एका कार्यक्रमातील आहे. यामध्ये नौदलातील अनेक शिकाऊ प्रशिक्षणार्थींना आर्मीचा बिल्ला प्रदान करण्यात येत आहे. तर एक वडील आपल्या मुलाला त्यांच्या स्वत:च्या हाताने हा बिल्ला प्रदान करत आहेत. त्यावेळी सदर पालक हा भावनिक झालेला असतो. तर त्याच्या चेहऱ्यावरील भाव खूप काही सांगून जातात. बापाच्या डोळ्यात नकळत पाणी आल्याचं आपल्याला या व्हिडिओत दिसत आहे.

दरम्यान, या व्यक्तीच्या आईने म्हणजे मुलाच्या आजीने हा व्हिडिओ तिच्या इंस्टाग्रामवरून शेअर केला आहे. हा व्हिडिओ पाहून आपणही भावनिक व्हाल. हा व्हिडिओ सध्या समाजमाध्यमांत चांगलाच व्हायरल झाला असून अनेकांनी या व्हिडिओवर आपल्या प्रतिक्रिया व्यक्त केल्या आहेत. हा व्हिडिओ ४४ लाख लोकांनी पाहिला असून १ लाख १७ हजार लोकांनी या व्हिडिओला लाईक केलं आहे.