मेरठ : लग्न म्हणजे सर्वांच्या आनंदाचा दिवस असतो. आपल्या लग्नातील आठवणी अविस्मरणीय राहाव्यात यासाठी प्रत्येकजण काहीतरी प्रयोग करत असतात. सध्या सोशल मीडियावर असाच एक व्हिडिओ व्हायरल होत आहे. यामध्ये एका नवरदेवाने आपल्या होणाऱ्या पत्नीला नेण्यासाठी थेट हेलिकॉप्टर आणलं आहे.

हेही वाचा - अंतरंगातून परमेश्वरापर्यंत भक्तिभाव थेट पोहोचवणारा वेदान्त आश्रम

उत्तरप्रदेशातील मेरठ येथील ही घटना असून सदर नवरदेवाची होणारी पत्नी ही पायलट आहे. मी लग्नासाठी तयार होत होते त्यावेळी मला हे कळालं, याची मला कोणतीच पूर्वकल्पना नव्हती, हे सरप्राईज माझ्यासाठी आश्चर्यदायक आहे असं मत नवरीने व्यक्त केलं आहे.

आपल्या पायलट असलेल्या पत्नीला सरप्राईज देण्यासाठी नवरदेव आणि त्याच्या कुटुंबियांनी हे नियोजन केले आहे. जर माझी पत्नी पायलट आहे तर तिच्यासाठी हेलिकॉप्टर घेऊन येणे गरजेचे आहे असं मत नवरदेवाने व्यक्त केलं आहे.