Gujarat Election 2022 : गुजरात विधानसभा निवडणुकीच्या दुसऱ्या टप्प्यात आज 93 जागांसाठी मतदान सुरू आहे. दरम्यान, पंतप्रधान नरेंद्र मोदी यांनी अहमदाबादमधील राणीप येथील निशान पब्लिक स्कूलमध्ये मतदान केले. सामान्य नागरीकांप्रमाणे पंतप्रधान मोदी हे रांगेत उभे राहून मतदान केलं.

दरम्यान पंतप्रधान मोदी यांचे मतदान करतानाचे फोटो सध्या सोशल मिडीयावर व्हायरले झाले आहेत. यापैकी एका फोटोमध्ये पंतप्रधान मोदी वोटींग बुथ मध्ये उभे असलेले दिसत आहेत आणि त्यांच्या डोक्याचा काही भाग फोटो मध्ये दिसत आहे. हा फोटो शेअर करत नेटकऱ्यांनी मोदी मतदान करायला गेले होते की मीमसाठी टेम्पलेट फोटो द्यायला? असा प्रश्न विचारत आहेत.

पंतप्रधान मोदी हे त्यांच्या फोटोशूटमुळे सतत चर्चेत असतात. आता मतदान करतानाच्या फोटोजच्या मीम्स व्हायरल होत आहेत. राघव केडला नाव असलेल्या युजरने मोदी आज मत द्यायला गेले होते की मीमर्सना मीम टेम्पलेट द्यायला असा प्रश्न विचारला आहे.

मतदानाचं का सगळं आपलंच आहे, सगळ्यात महत्वाचं म्हणजे कॅमेरा - मोदीजी असं कॅप्शन देत राजस्थानी मीमर ४.० या युजरने फोटो पोस्ट केला आहे.

पंतप्रधान मोदी हे आज सकाळी 9.30 च्या सुमारास मतदान केंद्रावर पोहोचले होते. त्यांनी इतर नागरिकांप्रमाणेच रांगेत उभे राहूण मतगदानाचा हक्क बजावला.

हेही वाचा - First Paralympic Winner : मुरलीकांत पेटकर सांगतायत अपंग खेळाडूंसमोरील आव्हाने

बऱ्याच दिवसांपासून ईव्हीएम मशीन वर शंका उपस्थित केली जाते. या पार्श्वभूमिवर जेव्हा तुम्ही कॉंग्रेससाठी बटन प्रेस करता आणि मत देखील कॉंग्रेसलाच जातं असं कॅप्शन देत मोदींचा फोटो शेअर केला आहे.

भाजपच्या लहान मुलांसाठी पंतप्रधान मोदींच्या मीम्स म्हणत एक युजरने मजेशीर मीम शेअर केली आहे.

मतदान केल्यानंतर माध्यमांना संबोधित करताना पंतप्रधान मोदी म्हणाले की, मतदारांनी लोकशाहीचा हा उत्सव उत्साहात साजरा केला. याबद्दल मी त्यांचे अभिनंदन करतो. मी निवडणूक आयोगाचेही अभिनंदन करतो की त्यांनी अत्यंत प्रशंसनीय पद्धतीने निवडणुका घेण्याची एक मोठी परंपरा विकसित केली आहे ज्यामुळे जगभरात भारताच्या लोकशाहीची प्रतिष्ठा वाढते.

पंतप्रधान नरेंद्र मोदी यांच्या आई हीरा बा यांनी गांधीनगरमध्ये मतदान केले. हिरा बा यांनी व्हील चेअरवर बसून मतदान केंद्रात पोहचल्या आणि मतदान केले.