Hukka Viral Video : सध्या लग्न सिझन सुरू असल्याने सोशल मिडीयावर लग्नाचे आणि नवरदेव नवरीचे व्हिडीओ मोठ्याप्रमाणात व्हायरल होत आहेत. कोणी जुळ्या बहिणींशी लग्न करतो तर कुठे नवरदेवानं सर्वांसमोर किस केलं म्हणून नवरी चिडते असे अनेक तऱ्हेचे व्हिडीओ सध्या बघायला मिळत आहेत. सध्या असाच एक अतरंगी व्हिडीओ व्हायरल होत आहे.

यात नवरा नवरीने असे काही कारनामे केले आहेत की, ते बघून जमलेल्या पाहुण्यांनीही आवाक होत तोंडात बोटं घातली. हल्ली सगळीकडेच पाश्चात्यांच अनुकरण करणं वाढलं आहे. त्याचा परिणाम हळू हळू आपल्याकडच्या विवाह सोहळ्यांमध्येही दिसू लागला आहे.

व्हिडीओत आपण बघू शकतो की, लग्न झाल्यावर स्टेजवरच उभे राहून सर्वांसमोर नवरा नवरी हुक्का मारत आहेत. पण एवढंच नाही तर, नवरीने घेतलेल्या हुक्क्याचा धूर नवऱ्याच्या तोंडातून निघताना दिसत आहे. आता हे कसं हे ओळखणं तसं फारसं अवघड नाही.

नवरी तिच्या तोंडातला धूर नवऱ्याच्या तोंडात सोडते आणि मग तो धूर बाहेर काढतो. नवरा नवरीचा हा मॅजिक शो सर्व पाहुणे मंडळींसमोर सुरू असताना ते अवघडले नाहीत पण पाहुण्यांना नक्कीच अवघडलेपण जाणवलं असेल.

ते जे काही असेल पण व्हिडीओ सोशल मिडीयावर मात्र तुफान व्हायरल होत आहे. याला भरपूर लाइक्स मिळत असून भरपूर शेयरही केलं जात आहे.