भारत आणि चिनी सैनिकांच्या झटापटीचा एक व्हिडिओ सोशल मीडियावर व्हायरल झाल्यानंतर नेटकऱ्यांनी सरकारवर टीकेची झोड उठवली आहे. सध्या ट्वीटरवर 'जवाब दो मोदी' असा ट्रेंड होत आहे. तर भारत सरकारने चिनी कंपन्यांकडून पैसे का घेतले असा सवालही करण्यात येत आहे.
(Jawab Do Modi trend on twitter)
दरम्यान, दोन दिवसांपूर्वी भारत आणि चीनच्या सैनिकांचा एक व्हिडिओ समोर आला होता. त्यामध्ये भारतीय सैनिकांनी चीनी सैनिकांना काढ्याने मारत पळवून लावल्याचं दिसत आहे. तर सीमा भागात अजूनही तणाव निर्माण झाला असल्याचं चित्र आहे. त्यामुळे नेटकरी सरकारवर भडकले असून 'जवाब दो मोदी' असा सवाल करत आहेत.
चीनी कंपन्यांकडून डोनेशन का घेतले?
भारताच्या पीएम केअर फंडमध्ये पाच चीनी कंपन्यांनी मिळून एकूण ५० कोटींचा फंड जमा केला असल्याची माहिती समोर आली असून त्याचा हिशोब कोण देणार असाही सवाल नेटकऱ्यांकडून केला जातोय. त्याचबरोबर चीनी दूतावासाकडून राजीव गांधी फाऊंडेशनला फंड मिळाल्याचीही माहिती आहे. तर जवळपास ३ हजार ५०० भारतीय कंपन्यामध्ये चीनी संचालक असल्याचीही माहिती समोर आली आहे. भारतातील बेरोजगारीचा हिशोब द्या, जवाब दो मोदी असा ट्रेंड सध्या यामुळे होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.