सध्या देशभर डॉ. बाबासाहेब आंबेडकर यांच्या जयंतीचा उत्सव सुरू आहे. तर अनेक ठिकाणी वेगवेगळ्या कार्यक्रमाचे आयोजन करण्यात आले आहे. पण सध्या बाबासाहेब आंबेडकर यांच्यावरील रॅप साँगचा व्हिडिओ सोशल मीडियावर व्हायरल झाला आहे. हा व्हिडिओ कल्याण येथील आहे.

चिमुकल्याने गायलेल्या रॅप साँगची सध्या सर्वत्र चर्चा सुरू आहे. 'क्या बोलती पब्लिक? एकच साहेब बाबासाहेब...' म्हणत या चिमुकल्याने रॅप साँगची सुरूवात केली. "जिकडं तिकडं बघतो माझ्या बाबासाहेबांचा फुटू..." असे या रॅप साँगचे बोल असून हा व्हिडिओ सध्या सोशल मीडियावर चांगलाच शेअर केला जात आहे.

कल्याण येथील एका कॉलनीमध्ये बाबासाहेब आंबेडकर यांच्या जयंतीनिमित्त कार्यक्रमाचे आयोजन केले होते. कल्याण मधील उंबर्डे गावात देखील सामाजिक संस्थेतर्फे विविध कार्यक्रमाचे आयोजन करण्यात आले होते. यावेळी या आठ वर्षाच्या चिमुकल्याने रॅप साँग गायले आहे.

विश्वरत्न डॉ. बाबासाहेब आंबेडकर यांची आज जयंती. जगभरात आजचा दिवस मोठ्या आनंदाने साजरा केला जातो. भारतीय राज्यघटने शिल्पकार आणि समाजात समता नांदवी यासाठी आयुष्यभर झगडणारे बाबासाहेब आंबेडकर यांनी मानवजातीच्या कल्याणासाठी अनेक गोष्ट केल्या. त्यामुळे त्यांचे ऋण न फिटण्यासारखे आहेत.