आपण कधी सर्कस पाहिली आहे का? सर्कसमध्ये साहसी खेळ केले जातात. तर अनेकदा प्राण्यांकडून काहीतरी खेळ करून घेतले जातात. कधीकधी सर्कसमध्ये काहीतरी गोंधळ उडाल्याच्याही घटना घडल्या आहेत. सध्या असाच एका सर्कसचा व्हिडिओ सोशल मीडियावर व्हायरल झाला आहे.

व्हायरल झालेल्या व्हिडिओमध्ये दोन सिंह पिंजऱ्यातून एक साहसी खेळ करताना दिसत आहेत. गोड कडीतून उडी मारताना त्यांच्या अंगाला लागून ही कडी पडते आणि पिंजऱ्यात थोडा वेळ गोंधळ उडतो. त्यानंतर पिसाळलेले सिंह इकडे तिकडे उड्या मारू लागतात. पिंजऱ्यात असणारे कर्मचारीही गोंधळून गेल्याचं दिसत आहे.

दरम्यान, यानंतर पिंजऱ्याचं दार उघडून दोन्ही सिंह बाहेर सुटतात आणि त्यानंतर प्रेक्षकांमध्ये एकच गोंधळ उडतो. यानंतर सर्कसच्या कर्मचाऱ्यांकडून सिंहाला पकडण्यासाठी प्रयत्न केले जातात. हा व्हिडिओ चांगलाच शेअर केला जात असून अनेकांनी या व्हिडिओवर आपल्या प्रतिक्रिया व्यक्त केल्या आहेत.