प्रत्येक आईवडिलांना आपला मुलगा किंवा मुलगी शिकून चांगल्या नोकरीला लागावी अशी इच्छा असते. अवघड परिक्षा पास व्हावी आणि पुढच्या शिक्षणाच्या संधी उपलब्ध करण्यासाठी आईवडिलांचे आपल्या पाल्यांना प्रोत्साहन असते. तर एकादी महत्त्वाचा शैक्षणिक टप्पा पूर्ण केल्यानंतर विद्यार्थ्यांना होणारा आनंद वेगळाच असतो.

सध्या असाच एक व्हिडिओ सोशल मीडियावर व्हायरल झाला आहे. त्यामध्ये एक मुलगा आपल्या पदवीप्रदान सोहळ्यामध्ये पदवी प्रदान करताना स्टेजवरच "मम्मी मैं पास हो गया" असं म्हणत जल्लोष करताना दिसत आहे. तर त्याचा हा जल्लोष पाहून समोर असलेले कुलगुरूंना आणि प्राध्यापकांनाही आपलं हसू आवरलं नाही.

दरम्यान, त्याने जल्लोष केल्यानंतर समोर बसलेल्या विद्यार्थ्यांनीही टाळ्या वाजवून त्याला दाद दिली. हा व्हिडिओ इंस्टाग्रामवर शेअर करण्यात आला असून अनेकांनी यावर आपल्या प्रतिक्रिया व्यक्त केल्या आहेत. तर नेटकऱ्यांनी या व्हिडिओला पसंती दर्शवली असून मोठ्या प्रमाणात शेअर केला आहे.