तुम्हाला प्रसिध्द अभिनेता नवाजुद्दीन सिद्दीकी याची सलमान खानच्या 'बजरंगी भाईजान' या चित्रपटात रिपोर्टर 'चांद नवाब'ची भूमिका आठवतेय का? अशाच एका कोकणी चांद नवाबचा व्हिडीओ सध्या तुफान व्हायरल होतो आहे. हा चाँद नवाब आंगणेवाडीच्या जत्रेला निघालेल्या भाविकांचं रिपोर्टींग करताना दिसत आहे.
नुकताच मुंबईतील रेल्वे स्टेशनवरील असाच चांद नवाब स्टाइल व्हिडिओ समोर आला आहे. ज्यामध्ये रेल्वे स्टेशनवर उभा रिपोर्टर 'चांद नवाब'ची ती खास रिपोर्टींगची स्टाइल कॉपी करताना दिसत आहे. हा व्हिडीओ सोशल मीडियावर खूप वेगाने व्हायरल होत आहे.
या व्हिडीओमध्ये येणारा प्रत्येक प्रवासी त्या रिपोर्टला त्रास देताना दिसत आहे. ज्यामुळे लाइव्ह रिपोर्टिंग दरम्यान हा मालवणी चाँद नवाब वारंवार रिटेक घेताना दिसत आहे. आत्तापर्यंत हा व्हिडिओ हजारो लोकांनी लाइक केला आहे आणि तो जोरदारपणे शेअरही करत आहेत.
व्हिडिओमध्ये दिसत आहे की, ती व्यक्ती पुलावर उभी राहून लाइव्ह रिपोर्टिंग करत आहे. लाईव्ह रिपोर्टिंग दरम्यान लोक कॅमेऱ्या समोरून जात आहेत ज्यामुळे रिपोर्टर चिडतो आणि मालवणी भाषेत त्यांना उत्तरं देतो.
तो पुन्हा पुन्हा रिटेक घेताना दिसतो. हा व्हिडिओ मालवणी भाषेत बनवण्यात आला आहे. हा व्हिडिओ पाहिल्यानंतर लोक मजेशीर कमेंटही करत आहेत. सोशल मीडियावर अनेक प्रकारचे मीम्सदेखील तयार झाल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.