मेक्सिको : मेक्सिको येथील सिटी हॉलमध्ये सामूहिक गोळीबार झाला असून त्यात 18 जणांचा मृत्यू झाला आहे. मृतांमध्ये तेथील महापौरांचाही समावेश असल्याचं समोर आलं आहे. तर या घटनेचा थरारक व्हिडिओ समोर आला असून हा व्हिडिओ पाहून आपल्याही अंगावर काटा आल्याशिवाय राहणार नाही.

(Mexico Firing Viral Video)

व्हायरल होत असलेल्या या व्हिडिओ मध्ये एक व्यक्ती गोळीबार करताना दिसून येत असून तीन ते चार व्यक्ती खाली कोसळलेले दिसत आहेत. या गोळीबारात 18 जणांचा मृत्यू झाला. गोळीबारात महापौरांव्यतिरिक्त त्यांचे वडील, माजी महापौर आणि महापालिका अधिकारी तसेच पोलिसांचाही मृत्यू झाल्याची माहिती समोर आली आहे.

मिळालेल्या प्राथमिक माहितीनुसार, मेक्सिकन सिटी हॉलमध्ये कार्यक्रम सुरू होता या कार्यक्रमादरम्यान एका अज्ञात व्यक्तीने हॉलमध्ये प्रवेश केला, काही वेळ थांबून त्याने अचानक अंदाधुंद गोळीबार करायला सुरवात केली. तर या गोळीबारात 18 जणांचा मृत्यू झाला असून हा व्हिडिओ सध्या प्रचंड व्हायरल होत आहे.