सोशल मीडियावर अनेक विनोदी व्हिडिओ व्हायरल होत असतात. त्यामध्ये लग्न, डान्स, जंगली प्राणी, कुत्रे, अपघात, सीसीटीव्ही फुटेज अशा व्हिडिओंचा सामावेश असतो. सध्या असाच एक व्हिडिओ व्हायरल झाला आहे. त्यामध्ये एक माकड आणि कोब्राचे भांडण चालू असल्याचं दिसत आहे.

व्हायरल होत असलेल्या व्हिडिओमध्ये एका जंगलात माकड आणि कोब्रा दिसत आहेत. कोब्रा भलामोठा फणा काढून बसला असून माकड त्याची छेड काढत त्याची शेपटी ओढताना दिसत आहे. तर कोब्रासुद्धा त्याच्यावर हल्ला करण्याचा प्रयत्न करतो पण तेवढ्यात माकड मागे सरकते. हा विनोदी व्हिडिओ सध्या चांगलाच व्हायरल झाला आहे.

दरम्यान, इंस्टाग्रामवर शेअर करण्यात आलेल्या व्हिडिओला २ लाख ५० हजाराच्या जवळपास लोकांनी लाईक केलं असून त्यावर आपल्या प्रतिक्रिया व्यक्त केल्या आहेत. "माकड ते माकडंच! ते त्रास देणारंच, मग समोर वाघ असो की कोब्रा" अशा मजेशीर कमेंट नेटकऱ्यांनी या व्हिडिओवर केल्या असून हा व्हिडिओ पाहून आपल्यालासुद्धा हसू आवरणार नाही.