लांबलेल्या मान्सूनने दमदारपणे एंट्री केली असून मुंबईतील रस्ते तुडूंब भरले आहेत. मुंबईची तुंबई झाली तरी मुंबईकरांचं स्पिरीट कमी होत नाही हे आपल्याला सध्या व्हायरल होत असलेल्या व्हिडिओमधून दिसून येईल. मुंबईकरांना दरवर्षी या समस्येला तोंड द्यावे लागते पण ते कधी या समस्येला वैतागत नाहीत हीच मुंबईकर मराठी माणसांचं वैशिष्ट आहे.

सध्या लोकल ट्रेनमधील काही मराठी माणसांचा व्हिडिओ व्हायरल झाला असून हे मुंबईकर लोकलमध्ये "काटा लगा" या प्रसिद्ध गाण्यावर ठेका धरताना दिसत आहेत. काहीजण गायन करत आहेत तर काहीजण डान्स करत आहेत. यातील बरेचजण वृद्ध व्यक्ती असून त्यांच स्पिरीट पाहून तुम्हीही थक्क व्हाल. आमची मुंबई या इंस्टाग्राम पेजवर हा व्हिडिओ शेअर करण्यात आला आहे.

दरम्यान, मुंबईची तुंबई झाली असून बहुतांश रस्ते पाण्याखाली गेल्यामुळे नागरिकांना मोठा त्रास सहन करावा लागत आहे. तर पुराच्या पाण्यातून वाट काढून नागरिक आपलं घर गाठत आहे. या पावसातही मुंबईकरांचं हे स्पिरीट पाहून अनेकांनी यांचं कौतुक केलं आहे. हा व्हिडिओ सोशल मीडियावर चांगलाच व्हायरल झाला असून त्यावर अनेकांनी आपल्या कमेंट केल्या आहेत.