मुंबई : मुंबईच्या लोकमलध्ये महिलांची फ्री स्टाईल हाणामारी पाहायला मिळाली. पनवेलच्या दिशेनं जाणाऱ्या लोकलमध्ये महिलांची हाणामारी झाली. या हाणामारीत महिला पोलिसही रक्तबंबाळ झाल्या असून अजून एका महिलेला दुखापत झाल्याचं दिसत आहे. सध्या याचा व्हिडीओ सोशल मीडियावर प्रचंड व्हायरल होतोय.

(Mumbai Local Train Womens Fight Viral Video)

दरम्यान, लोकलमध्ये महिला कॉन्सेबलनं मध्यस्थी केली असता त्याही जखमी झाल्या आहेत. सीटवर बसण्यावरुन हा वाद झाला होता मात्र यामुळे आता लोकलमध्ये प्रवास करणाऱ्या महिला प्रवाशांमध्ये भीतीचं वातावरण तयार झालंय. तर यानंतर हा व्हिडिओ प्रचंड शेअर केला जात आहे.

या व्हिडिओत तीन ते चार महिला एकमेकींच्या केस धरून भांडताना दिसत आहेत. तर एक महिला पोलीस त्यांचे भांडणं सोडवण्याचा प्रयत्न करत आहे. या भांडणाचे दोन व्हिडिओ व्हायरल झाले असून एका व्हिडिओत महिला पोलीस कर्मचारी कुणालातरी फोनवर बोलताना दिसत आहे. सध्या हे दोन्ही व्हिडिओ प्रचंड व्हायरल होत आहेत.