काल (बुधवारी) न्यूझीलंड आणि पाकिस्तान यांच्यामध्ये उपांत्य फेरीचा सामना खेळवला गेला. यामध्ये पाकिस्तानने न्यूझीलंडचा सात गडी राखून पराभव केला अन् अंतिम फेरीत धडक मारली आहे. तर आज भारत आणि इंग्लंड या दोन संघादरम्यान उपांत्य फेरीचा सामना होणार आहे. काल झालेल्या या सामन्यादरम्यान पाकिस्तानच्या एका तरूणीच्या फ्लाईंग किसचा व्हिडिओ व्हायरल होत आहे.

(pakistan vs new zealand mystery girl flying kiss viral video)

दरम्यान, काल झालेल्या सामन्यात न्यूझीलंडने प्रथम फलंदाजी करत १५२ धावा काढल्या होत्या. तर पाकिस्तानने या धावांचा पाठलाग करत १९.१ षटकात हे लक्ष्य पूर्ण केले. या दरम्यान पाकिस्तानच्या चाहत्यांनी जल्लोष केला असून एका तरूणीच्या फ्लाईंग किसच्या व्हायरल व्हिडिओमुळे अनेक चाहते घायाळ झाले आहेत. सामन्यादरम्यान कॅमेरा तिच्याकडे गेल्यावर या तरूणीने फ्लाईंग किसचा भडीमार केला आहे. तर पाकिस्तानच्या विजयासाठी तिने प्रार्थना केली आणि शेवटी तिची प्रार्थना अल्लाने कबूल केली अशा कमेंट या व्हिडिओवर आल्या आहेत.

न्यूझीलंडचा संघ मोठी धावसंख्या उभी करण्यात अपयशी ठरल्यामुळे पाकिस्तानचा सहज विजय होऊ शकला असून किवी टीम यावेळी निराश दिसून आली.