Modi Lakshadweep Visit: पंतप्रधान नरेंद्र मोदी यांनी केंद्र शासित प्रदेश असलेल्या लक्षद्वीपला नुकतीच भेट दिली. यावेळी त्यांनी एक दिवस निवांत बीचवर घालवला. यामध्ये त्यांनी वॉटर स्पोर्ट्स तसेच स्नॉर्कलिंगचा आनंदही लुटला. लक्षद्वीप या बेटावरील सौंदर्याचं यावेळी मोदींनी कौतुक केलं आहे.

मोदींनी लक्षद्वीप बेटांवर राहणाऱ्या लोकांच्या आदरातिथ्याचं कौतुक केलं आहे. तसेच इथल्या निसर्गसौंदर्याचा मनःशांतीसाठी कसा फायदा घेता येऊ शकतो हे देखील सांगितलं. निसर्गसौंदर्यासोबतच लक्षद्वीपची शांतताही मनमोहक असल्याचं त्यांनी म्हटलं आहे.

लक्षद्वीपच्या दौऱ्यादरम्यान मला आगत्ती, बंगाराम आणि कावरत्ती येथील लोकांशी संवाद साधण्याची संधी मिळाली. बेटांतील लोकांच्या आदरातिथ्याबद्दल मी त्यांचे आभार मानतो, असंही मोदींनी म्हटलं आहे.

त्याचबरोबर इथं साहसी खेळांचा अनुभव ज्यांना घ्यायचा आहे त्यांना सल्ला देताना मोदी म्हणाले, ज्यांना आपल्यातील साहसीपणाचा अनुभव घ्यायचा आहे त्यांच्यासाठी लक्षद्वीप आपल्या यादीत असणं आवश्यक आहे. माझ्या मुक्कामादरम्यान, मी स्नॉर्केलिंगचा देखील प्रयत्न केला, किती आनंददायक अनुभव होता!, अशा शब्दांत मोदींनी आपल्या लक्षद्वीप दौऱ्याचा अनुभवही शेअर केला आहे.

140 कोटी भारतीयांच्या कल्याणासाठी आणखी कठोर परिश्रम कसे करायचे? याचं चिंतन करण्याची संधी मला मिळाली, असं मोदींनी म्हटलं आहे.