माजी खासदार आणि काँग्रेसचे नेते राहुल गांधी यांचा एक व्हिडिओ व्हायरल झाला असून ते अमेरिकेमध्येसुद्धा ट्रकने प्रवास केला आहे. त्यांनी अमेरिकेतील तलजिंदर सिंग नावाच्या एका भारतीय ट्रक ड्रायव्हरसोबत प्रवास केला असून यावेळी ड्रायव्हरचे अनुभव जाणून घेत त्याच्यासोबत विविध विषयावर गप्पा मारल्या आहेत.

दरम्यान, एका वादग्रस्त वक्तव्यावरून त्यांची खासदारकी रद्द करण्यात आली होती. त्यानंतर त्यांचा ट्रकने प्रवास करतानाचा एक व्हिडिओ सोशल मीडियावर व्हायरल झाला होता. त्यावेळी त्यांना विरोधी पक्षातील नेत्यांकडून ट्रोल करण्यात आलं होतं. त्यानंतर आता परदेशातील ट्रकमध्ये प्रवास करताना त्यांचा व्हिडिओ व्हायरल झाला आहे.

"या गाडीची डिझाईन कशी आहे, या ट्रकचे सगळ्यांत चांगले फीचर्स कोणते आहेत, एक वेळी इंधन भरण्यासाठी किती पैसे लागतात, तुम्ही काय खाता, स्पीड लिमीट किती असते. गाडी चालवताना काही त्रास होतो का, कोण कोण त्रास देतं" या गोष्टींवर राहुल गांधी यांनी या ड्रायव्हरसोबत गप्पा मारल्या आहेत. तर येथील गाड्यांचे डिझाईन ड्रायव्हरचा विचार करून बनवल्या असल्याचं मत राहुल गांधी यांनी व्यक्त केलं आहे.

हा ड्रायव्हर एका महिन्याला तब्बल आठ लाख रूपये कमावतो असं त्याने या व्हिडिओमध्ये सांगितलं आहे. त्याचबरोबर भारताच्या तुलनेत इथे काम पण जास्त कठीण नाही, भारतात ज्या लोकांना काम नाहीये त्यांनी इथे यायला पाहिजे असा संदेशही या ड्रायव्हरने दिला आहे.