शाळेत जाणाऱ्या लहान मुलांना सांभाळणे ही पालकांची जबाबदारी असते. अनेकदा रस्त्या ओलांडताना अपघात होऊन दुर्घटना झाल्याच्या घटना आपण पाहिल्या असतील. सध्या असाच एक व्हिडिओ सोशल मीडियावर व्हायरल झाला असून त्यामध्ये एक लहान शाळकरी मुलगी रस्ता ओलांडताना अपघातातून बचावली आहे.

सदर घटना शेजारीच असलेल्या दुकानाच्या सीसीटीव्ही कॅमेऱ्यात कैद झाली आहे. एक शाळकरी मुलगी रस्ता ओलांडताना यामध्ये दिसत आहे. एक बस गेल्यानंतर तिच्या पाठीमागून ही मुलगी रस्त्याच्या मधोमध जाते आणि पुढे जाणार तोच दुसऱ्या बाजून स्कूल बस येते.

बस आल्याआल्या ही मुलगी थांबते आणि बस पुढे निघून जाते. काही क्षणात ही मुलगी तत्परता दाखवत थांबली नसती तर मोठा अपघात झाला असता. हा व्हिडिओ पाहून तरी प्रत्येक पालकाने आपल्या शाळकरी मुलांना रस्ता ओलांडण्यासंदर्भात सूचना दिल्या पाहिजेत.

दरम्यान, हा थरकाप उडवणारा व्हिडिओ पाहून आपण थक्क व्हाल. लहान मुलांना रस्त्याच्या सुरक्षिततेसंदर्भात प्रशिक्षण द्यायला पाहिजे. जेणेकरून रस्त्या ओलांडताना काय काळजी घ्यायला पाहिजे याचे मुलभूत ज्ञान त्यांना मिळेल. हा व्हिडिओ सोशल मीडियावर चांगलाच व्हायरल झाला आहे.