आपण शाळेत असताना खूप चांगल्या गोष्टी शिकत असतो. तर अनेकदा आपण आपल्या जीवनातही त्या आचरणात आणत असतो. मुक्या प्राण्यांना मदत करणे किंवा त्रास देऊ नये असं आपल्याला अनेकजण सांगत असतात. त्याचं अनुकरण लहान मुले करत असतात. तर सध्या एका विद्यार्थ्याचा व्हिडिओ सोशल मीडियावर व्हायरल झाला आहे.

व्हायरल होत असलेल्या व्हिडिओमध्ये शाळेतील एक लहान मुलगा जाळीतील अडकलेल्या कावळ्याला बाहेर काढताना दिसत आहे. कावळ्याचे पाय जाळीत अडकल्याने तो जखमी झाला होता. तर विद्यार्थ्याने मोठ्या शिताफीने कावळ्याची सुटका करत त्याचा जीव वाचवला आहे. तर त्याने एवढ्या लहान वयात कावळ्याला जीवदान देत जगाला मोठा संदेश दिला आहे.

दरम्यान, सोशल मीडियावर व्हायरल झालेल्या या व्हिडिओला नेटकऱ्यांकडून पसंती मिळत असून अनेकांनी हा व्हिडिओ शेअर केलाय. या व्हिडिओवर नेटकऱ्यांनी आपल्या प्रतिक्रिया व्यक्त केल्या असून लाईक केलं आहे. सोशल मीडियावर व्हायरल होणारे व्हिडिओ आपल्याला खूप काही शिकवून जात असतात.

सोशल मीडियावर अनेक मजेशीर व्हिडिओ व्हायरल होत असतात. त्यामध्ये विनोदी व्हिडिओ, डान्स व्हिडिओ, लग्नातील व्हिडिओ अशा वेगवेगळ्या प्रकारच्या व्हिडिओचा सामावेश असतो. सध्या सोशल मीडिया हे तरूणांच्या मनोरंजनाचे साधन बनले आहे.