सोशल मीडियावर हे मनोरंजनाचे साधन आहे. त्यावर रोज नवेनवे व्हिडिओ समोर येत असतात. तर नवे नवे ट्रेंडही चालवले जात असतात. मागच्या काही दिवसांपासून "बादल बरसा बिजुली" हे गाणं चांगलंच व्हायरल होत आहे. यावरील रीलसुद्धा नेटकऱ्यांकडून शेअर केले जात आहेत. तर सध्या एका शाळकरी चिमुकल्याचा व्हिडिओ सोशल मीडियावर व्हायरल झाला आहे.

हा व्हिडिओ शाळेतील एका कार्यक्रमातील असून एक विद्यार्थी "बादल बरसा बिजुली" या गाण्यावर डान्स करत आहे. तर या चिमुकल्याने केलेल्या भन्नाट डान्सवर शाळेतील विद्यार्थीही व्यासपीठाच्या खाली डान्स करताना दिसत आहे. तर या विद्यार्थ्याच्या डान्सच्या स्टेप्स पाहून नेटकरी सुद्धा थक्क झाले आहेत.

दरम्यान, सोशल मीडियावर हा व्हिडिओ चांगलाच शेअर केला जात असून 'चांगल्या चांगल्या डान्सर सुद्धा या चिमुकल्यापुढे फिक्या पडल्या आहेत' अशा प्रतिक्रिया नेटकऱ्यांनी व्यक्त केल्या आहेत. तर हा डान्स पाहून शाळेतील शिक्षकही अचंबित झाले असतील असंही काही नेटकऱ्यांनी म्हटलं आहे.