जगभरात खाण्याचे शौकीन कमी नाहीत. काहीजण आपल्या आवडीचे पदार्थ खाण्यासाठी काहीही करू शकतात. एखादा पदार्थ खाण्यासाठी १०० पेक्षा जास्त अंतर पार करणारे अनेक लोकं आपण पाहिले असतील. पण आपल्या आवडीचे पदार्थ खरेदी करण्यासाठी हजारो लोकं प्रवास करत असलेली ट्रेन थांबवण्याचा प्रकार आपण पहिल्यांदाच ऐकत असाल.

हेही वाचा - क्रेडिट कार्ड वापरताय...मग या गोष्टी माहिती हव्याच....

या घटनेचा व्हिडिओ सध्या व्हायरल झाला असून, ट्रेन चालकाने मासे खरेदी करण्यासाठी अख्खी ट्रेन थांबवल्याचा प्रकार घडला आहे. तर ट्रेन थांबल्यामुळे रस्ता क्रॉसिंग करणाऱ्या अनेक लोकांना यामुळे त्रास सहन करावा लागला आहे. या व्हिडिओमध्ये ट्रेनचा ड्रायव्हर मासे घेऊन येत असून ट्रेनमध्ये चढता दिसत आहे.

दरम्यान, हा व्हिडिओ नेटकऱ्यांनी शेअर केला असून आपापल्या मजेशीर कमेंट या व्हिडिओवर केल्या आहेत. या व्हिडिओला आत्तापर्यंत ३० हजार लोकांना पाहिलं असून @HasanaZarooriHai या ट्वीटर अकाऊंटवरून हा व्हिडिओ शेअर करण्यात आला आहे.