Vanshika and Aakash Viral Breakup : प्रेम आणि ब्रेकअपचा फेज आपल्यापैकी बऱ्याच जणांच्या आयुष्यात येतो. यामध्ये जवळचे मित्र साथ देतात तर काही मजा उडवतात. सध्या अशाच एका ब्रेकअपची क्लिप सोशल मीडियावर तुफान व्हायरल होत आहे.

हेही वाचा - Credit Score: असा वाढवा तुमचा ‘क्रेडिट स्कोअर’

व्हायरल होणाऱ्या या व्हिडिओमध्ये वंशिका नावाच्या मुलीसोबत आकाश नावाच्या मुलानं कसं ब्रेकअप केले याबद्दल सांगण्यात आले आहे. त्यानंतर आता ब्रेकअप करणाऱ्या आकाशच्या कॉल रेकॉर्डिंगचा व्हिडिओ समोर आला आहे. यामध्ये आकास अगदी सडेतोडपणे उत्तर देताना दिसून येत आहे.

ब्रेकअप करणाऱ्या आकाशवर ज्या प्रकारे वंशिकाने आरोप केले त्याच पद्धतीने आकाशनेदेखील त्याला परखड उत्तर दिले आहे. सध्या आकाशच्या या उत्तराचा व्हिडिओ सोशल मीडियावर तुफान व्हायरल होत आहे. व्हायरल होणाऱ्या या व्हिडिओमध्ये आकाश म्हणतो की, जर या मुलीच्या मागे मुलांची लाईन असेल तर, करीना कपूर बनून सगळ्यांना नाकारायची काय गरज होती. जर कोणी दोन महिन्यांच्या रिलेशनशिपसाठी लग्नाची तयारी करत असेल तर मी काय करावे? असा प्रश्नदेखील उपस्थित केला आहे.

या व्हिडिओमध्ये आकाशनं शॉपिंगपासून अनेक गोष्टींचा खुलासा केला आहे. खरंतर तिला रोनाल्डोचा गेम कळतही नाही केवळ ती तो हॉट आहे म्हणून फूटबॉल बघते. मी 20 रुपयाचे रस्त्यावरील मोमोज खातो पण ती 550 रुपयांचे 50 ग्रॅम भात मला घ्यायला सांगते आणि ही पैसे वाचवण्याविषयी बोलते. ब्रेकअप तर झालाच असता असे आकाश यामध्ये उत्तर देताना दिसून येत आहे.