Vegetarian Camel Eating King Cobra : वाळवंटाचे जहाज म्हटला जाणारा उंट हा प्राणी आपण सर्वांनीच कधी ना कधी बघितलेला असतो. हा प्राणी वाळवंटात राहत असला तरी झाडांची पानं, फुलं खातो. त्याचा महत्वपूर्ण भाग हे त्याचं कुबड असतं. उंट याच भागात चर्बी साठवून ठेवतात. त्यामुळेच ते महिनोन् महिने पाणी आणि अन्ना शिवाय राहू शकतात.

अशा शाकाहारी प्राण्याला विषारी साप का खाऊ घातला जातो? जाणून घ्या

उंटाला एक विशिष्ट आजार झाला की, तो खाणं-पिणं सोडून देतो. शरीर सुकायला लागतं. यावर मध्यपूर्वेत असं मानलं जातं की, यावेळी जर उंटाला विषारी साप खाऊ घातला तर तो बरा होईल. म्हणून उंटाचं तोंड उघडून साप टाकला जातो आणि लगेच पाणी पाजलं जातं, त्यामुळे साप आत जातो.

धार्मिक मान्यता

या प्रकारामागे धार्मिक समज आहे. या आजाराला Hyam म्हटलं जातं. याचा अर्थ जिवंत साप गिळणे असा होतो. विषरी साप खाऊ घातल्यावर असं मानलं जातं की, त्याचं विष उंटाच्या शरीरात पसरतं, जेंव्हा त्याचा प्रभाव कमी होतो तेंव्हा उंटपण बरा होऊ लागतो. पण यामागे काणतेही वैज्ञानिक पुरावे नाहीत.

डॉक्टर याला करतात अमान्य

जनावरांचे डॉक्टर म्हणतात की, उंटांना हा आजार किड्यांच्या चावण्याने होतात. यामुळे उंटांचा गर्भपात व मृत्यू पण होऊ शकतो. याचे लक्षण ताप, डोळ्यांतून सतत पाणी गळणे, अशक्तपणा, शरीर फुगणे, शक्ती कमी होणे इत्यादी आहे. उपचार न मिळाल्याने Trypanosomiasis ने उंटाचा मृत्यू होऊ शकतो.