मैत्री एक अनमोल नात्याची भावना आहे, जी आपल्या जीवनात स्वतःच निर्माण केली जाते. जन्मापासून आपल्याला कुटुंबातील सदस्यांसोबत अनेक नाती मिळतात, पण मैत्री हे एक असं नातं आहे, जे आपण स्वतः निवडतो आणि जोपासतो. हे नाचं रक्ताच्या नात्यापेक्षा देखील जवळचं असतं. असाच एका व्हायरल व्हिडीओतून प्रकटलेली मैत्रीची खास भावना लोकांच्या हृदयात जागा करत आहे. हा व्हिडिओ प्रचंड व्हायरल होत आहे.

व्हायरल होत असलेल्या एका व्हिडीओत एका दिव्यांग मुलाला व्हीलचेअरवर बसलेला असतो, तर त्याचा एक नॉर्मल मित्र त्याच्या मदतीसाठी पुढे येतो. या व्हिडीओत तो मित्र आपल्या दिव्यांग मित्रासाला मदत करतो.

शाळेच्या गणवेशात असलेला एक विद्यार्थी आपल्या दिव्यांग मित्राचा चेहरा पाण्याने स्वच्छ करतो. व्हीलचेअरचं हँडल धरून त्याला वर्गाकडे घेऊन जातो. ही जवळपास २५ सेकंदांची क्लिप आहे, पण ती आपल्या हृदयाला स्पर्श करणारी आहे. यामुळे अनेक युजर्स इमोशनल होत आहेत.

व्हिडीओ पाहिल्यानंतर कमेंट सेक्शनमध्ये नेटकऱ्यांनी भरभरून प्रतिसाद दिला आहे. "त्या मुलांच्या पालकांनी आधीच विजय मिळवला आहे." "खऱ्या दोस्तीचं हेच उदाहरण आहे", असे नेटकऱ्यांनी म्हटले आहे. या व्हिडीओने मैत्रीचं महत्त्व आणि तिचं मोल लोकांपर्यंत पोहोचवलं आहे.

हा व्हिडीओ इंस्टाग्रामवर @ghss.aykl या युजरने पोस्ट केला आहे. त्याच्या या व्हिडीओला आतापर्यंत ८.६ लाखांपेक्षा जास्त लाईक्स मिळाले आहेत, तर या व्हिडीओला ६७ लाखांहून अधिक व्ह्यूज मिळाले आहेत. यावर २९ हजारांहून अधिक कमेंट्स देखील आल्या आहेत. या व्हिडीओने समाज माध्यमांवर एक सकारात्मक लहर निर्माण केली आहे.