पाकिस्तानचे माजी पंतप्रधान इम्रान खान यांच्यावर प्राणघातक हल्ला करण्यात आला. या हल्ल्यात इम्रान खान याच्या पायाला दुखापत झाली आहे. यादरम्यान सोशल मीडिया वर एका तरुणाने इम्रान खान यांचा जीव वाचवल्याचा दावा केला जात आहे. इंटरनेटवर व्हायरल होत असलेल्या एका व्हिडीओमध्ये सांगितले जात आहे की, या तरुणाने गोळी झाडणाऱ्या व्यक्तीला गोळीबार करण्याआधी पाहीले आणि त्याचा हात खाली खेचला.

इतकेच नाही तर हा तरुणाने घटनास्थळावरून पळून जाण्याच्या प्रयत्नात असलेल्या या हल्लेखोराला पकडले. दरम्यान या तरुणाचे सोशल मिडीयावर जोरदार कौतुक होत आहे. पाकिस्तानच्या अनेक पत्रकार आणि सामाजिक क्षेत्रातील अनेकांनी या घटनेचा व्हिडिओ शेअर केला आहे.

इमरान खान जीव वाचवणाऱ्या तरुणाचे नाव इब्तिसाम (Ibtisam) असल्याचे सांगितले जात आहे. पाकिस्तानी लेखक तलत रहीम यांनी म्हटले आहे की या तरुणाने दिवस खराब होण्यापासून वाचवले.

काही लोक हे हा तरूण हीरो असल्याचे म्हणत आहेत. तर एका पाकिस्तानी पत्रकाराने या तरुणाने अनेकांचे जीव वाचवल्याचे म्हटले आहे. खासकरून इम्रान खान यांचा जीव. त्याच्या धाडसाचे कौतुक झाले पाहिजे.

पाकिस्तान तसेच भारतातील सोशल मिडीया यूजर्स देखील या तरुणाचे कौतुक करत आहेत. दरम्यान इमरान खान यांच्यावर गोळ्या झाडणाऱ्या व्यक्तीला अटक करण्यात आले आहे. हा प्रकार इम्रान खान याच्या आजादी मार्च वेळी घडला. इम्रान खान हे ट्रकवर उभे होते. या हल्ल्यात इम्रान खान जखमी झाले आहेत तर एक जणाचा मृत्यू देखील झाला आहे.