लहान मुले खूप निरागस असतात. त्यांच्या मन खूप साफ असतं. ते प्रत्येक गोष्टीवर सहज आणि सरळ सरळ प्रश्न करत असतात. त्यांच्या प्रश्नावर अनेकदा आपणही निरूत्तर होत असतो. असा अनुभव आपणही कित्येकदा घेतला असेल पण सध्या एका चिमुकल्याच्या व्हिडिओ सोशल मीडियावर चांगलाच व्हायरल झाला आहे.

व्हायरल होत असलेला व्हिडिओ एका गणपती मंदिरासमोरील आहे. तर एक लहान चिमुकला गणपतीच्या पाया पडत असताना आपल्या आईला एक निरागस प्रश्न विचारतो. "आई बाप्पा पावसांत भिजत आहे. त्याचा रेनकोट कुठं आहे" असा सवाल तो आपल्या आईला करताना दिसत आहे. त्याच्या या प्रश्नावर त्याचे आईवडीलही निरूत्तर झाले आहेत.

दरम्यान, हा व्हिडिओ पुणे जिल्ह्यातील सोमाटणे फाटा येथे असलेल्या गणपती मंदिरातील असल्याचं बोललं जात आहे. हा व्हिडिओ नेटकऱ्यांनी चांगलाच शेअर केला असून यावर आपल्या प्रतिक्रिया व्यक्त केल्या आहेत. तर नेटकऱ्यांनी या व्हिडिओवर आपली पसंती दर्शवली आहे.