भारतात विवाह्यबाह्य संबंध (एक्स्ट्रा-मॅरिटल अफेअर) याबाबत नुकत्याच प्रसिद्ध झालेल्या अहवालाने सर्वांनाच आश्चर्याचा धक्का दिला आहे. डेटिंग वेबसाइट Ashley Madison ने 2025 च्या अहवालात खुलासा केला आहे की, भारतातील एक दक्षिण भारतीय शहर, कांचीपुरम, विवाह्यबाह्य संबंधांच्या बाबतीत देशात अव्वल स्थानावर आहे. गेल्या वर्षी मुंबईने पहिला क्रमांक पटकावला होता, पण यंदा मुंबई टॉप-20 च्या यादीतून गायब झाली आहे. दिल्लीने दुसरे स्थान मिळवले असून, दिल्ली-NCR मधील नऊ क्षेत्रांचा या यादीत समावेश आहे.

2024 मध्ये कांचीपुरम 17व्या स्थानावर होता, पण यंदा या शहराने थेट पहिला क्रमांक गाठला आहे. Ashley Madison या डेटिंग प्लॅटफॉर्मवर साइनअप करणाऱ्या वापरकर्त्यांची संख्या येथे देशात सर्वाधिक आहे. तमिळनाडूतील हे शहर, जे मंदिर आणि सांस्कृतिक वारसासाठी प्रसिद्ध आहे, आता या अनपेक्षित कारणामुळे चर्चेत आले आहे. या अहवालानुसार, कांचीपुरममधील विवाहित व्यक्तींचा विवाह्यबाह्य संबंधांकडे वाढता कल दिसून येत आहे.

टॉप-20 शहरांची यादी

1. कांचीपुरम

2. सेंट्रल दिल्ली

3. गुरुग्राम

4. गौतमबुद्धनगर

5. साउथ वेस्ट दिल्ली

6. देहरादून

7. ईस्ट दिल्ली

8. पुणे

9. बेंगलुरु

10. साउथ दिल्ली

11. चंडीगढ

12. लखनऊ

13. कोलकाता

14. वेस्ट दिल्ली

15. कामरूप (आसाम)

16. नॉर्थ वेस्ट दिल्ली

17. रायगड

18. हैदराबाद

19. गाझियाबाद

20. जयपूर

मुंबईचे काय झाले?

गेल्या वर्षी अव्वल स्थानावर असलेली मुंबई यंदा टॉप-20 मधून बाहेर पडली आहे. यामुळे अनेकांना आश्चर्य वाटले आहे. तर दिल्ली-NCR मधील नऊ क्षेत्रांनी यादीत स्थान मिळवले आहे, ज्यामुळे दिल्लीचा दबदबा कायम असल्याचे दिसते.

विवाह्यबाह्य संबंध आणि कायदा

2018 मध्ये सर्वोच्च न्यायालयाने भारतीय दंड संहितेच्या (IPC) कलम 497 ला असंवैधानिक ठरवताना स्पष्ट केले की, प्रौढ व्यक्तींमधील सहमतीने बनलेले संबंध गुन्हा मानले जाणार नाहीत. मात्र, हे संबंध घटस्फोटाचे कारण ठरू शकतात. कोर्टात याला मानसिक क्रूरता म्हणून पाहिले जाऊ शकते. यामुळे विवाह्यबाह्य संबंध कायदेशीरदृष्ट्या गुन्हा नसले, तरी त्यांचे सामाजिक आणि कौटुंबिक परिणाम गंभीर असू शकतात.

तज्ज्ञांचे मत काय?

Ashley Madison चे मुख्य धोरण अधिकारी पॉल कीएबल यांच्या मते, भारतात विवाह्यबाह्य संबंध आता लपवण्याची गोष्ट राहिलेली नाही. लोक आता रिश्त्यांबाबत अधिक मोकळेपणाने विचार करत आहेत. "हे फक्त शारीरिक संबंधांपुरते मर्यादित नाही, तर भावनिक रिकामेपणा भरून काढण्याचा प्रयत्न आहे," असे त्यांनी नमूद केले. मात्र, याचा परिणाम केवळ जोडप्यांवरच नाही, तर त्यांच्या मुलांवरही होतो. यामुळे मुलांच्या मानसिक आरोग्यावर विपरीत परिणाम होऊ शकतो.

विवाह्यबाह्य संबंधांचा वाढता कल हा सामाजिक बदलांचा एक भाग आहे. भारतात आधुनिक जीवनशैली, तणाव आणि भावनिक दुरावा यामुळे असे संबंध वाढत असल्याचे तज्ज्ञांचे मत आहे. मात्र, यामुळे कौटुंबिक संरचनेत तणाव निर्माण होऊ शकतो. विशेषतः मुलांवर याचा दीर्घकालीन परिणाम होऊ शकतो, ज्यामुळे त्यांच्या मानसिक आणि भावनिक विकासावर प्रश्नचिन्ह निर्माण होते.

डिस्क्लेमर:

सकाळ माध्यम समूह या लेखात दिलेल्या माहितीची पुष्टी करत नाही. सदर माहिती उपलब्ध स्रोतांवरून संकलित करण्यात आली असून, ती केवळ माहितीच्या उद्देशाने आहे. वाचकांनी स्वतःच्या विवेकबुद्धीनुसार त्याचा वापर करावा.