उत्तराखंडच्या हरिद्वार येथे बुधवारी दुपारी एका पाच वर्षीय मुलीचा गंगा नदीत बुडाल्याने मृत्यू झाल्याचा धक्कादायक प्रकार समोर आला आहे. मिळालेल्या माहितीनुसार दिल्लीतील एक कुटुंब आपल्या पाच वर्षीय मुलाला घेऊन हरिद्वार येथे हरकी पौडी येथे गंगा स्नानासाठी घेऊन आले होते. दरम्यान हरकी पौडी येथे बुडून या चिमुरडीचा मृत्यू झाला आहे. दरम्यान या घटनेचा एक मन हेलावून टाकणारा व्हिडीओ देखील आता सोशल मीडियावर व्हायरल होत आहे.
या व्हिडीओमध्ये एक महिला मुलाला पाण्यात बुडवताना दिसून येत आहे. यावेळी जवळपासचे लोक त्या महिलेच्या भोवती जमा होतात आणि तिला रोखण्याचा प्रयत्न करू लागतात, मात्र महिला त्या सगळ्याना दूर लोटते. त्यानंतर महिला बऱ्याच वेळानंतर बाळाला पाण्यातून बाहेर काढते.
या घटनेबद्दल पोलिसांनी माहिती देताना सांगितले की, दिल्लीतील एक कुटुंब पाच वर्षीय मुलाला घेऊन येथे आलं होतं. त्या मुलाला ब्लड कॅन्सर झाला होता. डॉक्टरांनी हात वर केल्यानंतर कुटुंबिय त्याला आस्थेपोटी गंगास्नानासाठी हरिद्वार घेऊन आले होते. दरम्यान पोलीस आता या घटनेचा तपास करत आहेत.
या कुटुंबाला दिल्लीतून आपल्या टॅक्सीमध्ये घेऊन आलेल्या ड्रायव्हरने सांगितलं की, जेव्हा ते लोक मुलाला घेऊन टॅक्सीमध्ये बसले होते तेव्हा ते मुलं खूप आजारी होतं आणि हरिद्वार पर्यंत मुलाची प्रकृती खूपच खालावली होती. कुटुंबिय त्या चिमुरड्याच्या आजारपणाबद्दल आणि गंगास्नानाबद्दल बोलत होते असेही टॅक्सी ड्रायव्हरने सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.