काही लोकं डान्स करण्यासाठी जरा जास्तच उत्साही कार्यकर्ते असतात. आत्तापर्यंत अनेक विनोदी डान्स आपण पाहिले असतील. नाच रे मोरावर पिसारा फुलवून केलेला डान्ससुद्धा आपण पाहिला असेल. पण सध्या एका उत्साही महिलेचा व्हिडिओ व्हायरल होत आहे. ती डान्ससाठी जरा जास्तच उत्साही असल्याचं आपल्याला या व्हिडिओमध्ये दिसत आहे.

हेही वाचा - Inside Online Dating : हुक अप्स, ओपन रिलेशनशिप्स की...; महाराष्ट्रातील तरुणाई नक्की काय शोधते?

व्हायरल होत असलेला व्हिडिओ एका कार्यक्रमातील आहे. यामध्ये एक साडी नेसलेली महिला गाण्यावर भन्नाट डान्स करत आहे. तर स्टेजवर असलेल्या घसरड्या फळीवरून तिचा पाय घसरतो आणि ती स्टेजवरंच पडते. पडल्यानंतर ती लगेच स्वत:ला सावरते आणि परत उठून डान्स करायला लागते. पडल्यानंतरही ती हसत हसत डान्स करत राहते हे विशेष.

दरम्यान, पडल्यानंतरही ही महिला साडीवर त्याच जोशात डान्स करत आहे. तर आंटीच्या साडीवरील हा व्हिडिओ सोशल मीडियावर चांगलाच व्हायरल झाला आहे. तर गाण्याच्या तालावर जास्त नाचल्याने आपलं नुकसान होऊ शकतं असं कॅप्शन या व्हिडिओला देण्यात आलं आहे. नरेंद्र सिंग यांनी आपल्या ट्वीटरवरून हा व्हिडिओ शेअर करण्यात आला आहे.