आपण एखाद्यावर प्रेम केलं की ते शेवटपर्यंत जावं यासाठी अनेकजण प्रयत्न करत असतात. पण अनेकदा नात्यामध्ये काहीतरी अडचण येते आणि मनात नसतानाही नाते तुटतात. काही नात्यामध्ये एक जोडीदार दुसऱ्या जोडीदाराला धोका देतो, त्यामुळे दुसऱ्या जोडीदाराला त्याचा त्रास सहन करावा लागतो.

सध्या असाच एक व्हिडिओ सोशल मीडियावर व्हायरल झाला आहे. त्यामध्ये एक तरूण मुलगा आपल्या प्रेयसीच्या आठवणीत ढसाढसा रडत आहे. एका लग्नाची वरात सुरू असताना गाण्याच्या बोलावर सगळे डान्स करत असताना हा तरूण भावनिक झाला आणि तिच्या आठवणीत रडू लागला.

तो छातीही बडवून घेताना या व्हिडिओमध्ये दिसत आहे. तर जमिनीवर लोळू लोळू तो रडत आहे. यावेळी त्याचे कपडे मातीने माखलेले दिसत आहेत. हा व्हिडिओ पाहून तुम्हालाही तुमच्या जोडीदाराची आठवण येईल.

हा व्हिडिओ सध्या सोशल मीडियावर चांगलाच व्हायरल झाला असून अनेकांनी त्यावर आपल्या प्रतिक्रिया व्यक्त केल्या आहेत. ट्वीटरवर हा व्हिडिओ शेअर करण्यात आला असून नेटकऱ्यांकडून या व्हिडिओला पसंती मिळत आहे.