भारत हा तरूणांचा देश आहे असं म्हणतात. पण भारतात जेवढे तरूण आहेत त्यापैकी अनेकजण बेरोजगार सुद्धा आहेत. प्रत्येकाला नोकरी मिळत नाही आणि प्रत्येकजण धंदाही करू शकत नाही अशी परिस्थिती आहे. पण आपल्याकडे पैसे नसले तरी आपण कित्येक उद्योग व्यवसाय सुरू करू शकतो.

सोशल मीडियावर एक फोटो व्हायरल होत असून यामध्ये एका तरूणाने थेट भंगारात पडलेल्या गाडीच्या टपावर पान शॉप सुरू केल्याचं दिसत आहे. आपल्याकडे पैसे कमी असले तरी उपलब्ध असलेल्या साधनांमधून आपण अशा प्रकारचा व्यवसाय सुरू करू शकतो हे या तरूणाने दाखवून दिलं आहे.

सध्या अनेक तरूण बेरोजगार आहेत. ते नोकरीच्या शोधात आहेत पण या तरूणाने सुरू केलेला व्यवसाय पाहून तुम्हालाही तुमचा व्यवसाय सुरू करण्याची प्रेरणा मिळेल.

दरम्यान, हे चालतं फिरतं दुकान सुरू करून या तरूणांनी आपल्या रोजगाराचा मार्ग शोधला आहे. तर अशा प्रकारचा काहीतरी प्रयोग करून बेरोजगार तरूणांनी आपल्या उत्पन्नाचे मार्ग शोधायला पाहिजेत. सध्या या फोटोला नेटकऱ्यांकडून चांगलाच प्रतिसाद मिळत असून अनेकांनी यावर आपल्या कमेंट केल्या आहेत.