आपल्यापैकी अनेकांनी साहसी खेळ खेळले असतील. साहसी खेळ खेळणे प्रत्येकाला जमत नाही. त्यासाठी धाडस असावं लागतं पण अनेकदा अशा खेळांमध्ये अपघात होऊन अनेकांचे जीव गेल्याचं आपण ऐकलं असेल. सध्या असाच एक व्हिडिओ सोशल मीडियावर व्हायरल झाला असून झीपलाईनवरून एक मुलगा दरीत कोसळल्याचं दिसत आहे.

व्हायरल होत असलेला व्हिडिओ मेक्सिकोमधील असल्याचं सांगण्यात येत आहे. एक व्यक्ती आणि लहान मुलगा झीपलाईनवरून जात आहेत. तर मध्ये गेल्यानंतर लहान मुलाचा दोर अचानक तुटतो आणि तो मुलगा तब्बल ४० फूट खोल असलेल्या दरीत कोसळतो. हा अंगावर काटा आणणारा व्हिडिओ ट्वीटरवर शेअर करण्यात आला आहे.

दरम्यान, या व्हिडिओवर नेटकऱ्यांनी आपल्या प्रतिक्रिया व्यक्त केल्या असून हा अंगावर काटा आणणारा व्हिडिओ पाहून तुम्हालाही धक्का बसेल. तर आपणही असे साहसी खेळ खेळत असाल तर काळजी घेतली पाहिजे किंवा दोर तपासले पाहिजेत. खेळ सुरू होण्याची आधी या सेवा संस्थांची तपासणी केली पाहिजे. त्याचबरोबर जीवावर बेतणारे खेळ खेळणे शक्यतो टाळायला हवे.