औरंगाबाद : देशाच्या अर्थमंत्री निर्मला सीतारामण यांनी काल २०२१-२२ या वर्षासाठी केंद्रीय अर्थसंकल्प मांडला. त्यावर संमिश्र प्रतिक्रिया आल्या. पण, काही कारणांनी हा अर्थसंकल्प आतापर्यंतच्या अर्थसंकल्पापेक्षा वेगळा आणि खास ठरला आहे. ती कारणे eSakal.com च्या वाचकांसाठी...   

इंदिरा गांधीनंतर निर्मला सीतारामण
इंदिरा गांधीनंतर सीतारामण या देशाच्या दुसऱ्या पूर्णवेळ अर्थमंत्री राहिल्या आहेत. कालचा अर्थसंकल्प हा सीतारामण यांचा तिसरा अर्थसंकल्प होता. यापूर्वी मागील दोन अर्थसंकल्प २०१९-२० आणि २०२०-२१ चे सीतारामण यांनीच मांडले आहेत.

Budget 2021 : राज्याच्या वाटेला चारच रेल्वे प्रकल्प | eSakal

मागील वर्षाच्या तुलनेत अर्थसंकल्प मांडण्यासाठी घेतला कमी वेळ  
अर्थमंत्री निर्मला सीतारामण यांचं यावर्षीचे अर्थसंकल्पीय भाषण १ तास ४८ मिनिटे चाललं. मागील वर्षीच्या तुलनेत हे भाषण तब्बल १ तासांनी कमी होतं. सीतारामण यांनी २०२०-२१ चा अर्थसंकल्प ज्यावेळी मांडला त्यावेळेस यावर त्यांनी २ तास ४२ मिनिटे भाषण केलं होतं. त्यापूर्वी २०१९-२० ला या अर्थसंकल्पीय भाषणासाठी सीतारामण यांनी २ तास १५ मिनिटांचा वेळ घेतला होता.

Budget 2021 : शिक्षण गुणवत्ता सुधारणेवर भर पण सर्वसमावेशक धोरणाच्या गप्पाच

कोणता शब्द कितीवेळा?
पावणे दोन तासांच्या भाषणात अर्थमंत्री सीतारामण यांनी ठरावीक शब्दांचा पुनरूच्चार वारंवार केला. त्यामध्ये मागील काही महिन्यांपासून देशभरासह जगात थैमान घालत असलेल्या ‘कोरोना’ या शब्दांचा वापर तब्बल १६ वेळेस केला. तर ‘टॅक्स’ हा सर्वाधिक म्हणजे ४८ वेळा उच्चारलेला शब्द ठरला आहे. त्यानंतर इन्फ्रास्ट्रक्चर (२९ वेळा), परिवहन (२८ वेळा), आरोग्य (२५ वेळा) आणि अर्थव्यवस्था हा शब्द २१ वेळा उच्चारला गेला आहे.