केंद्रीय अर्थमंत्री निर्मला सीतारामन यांनी आज संसदेच्या अर्थसंकल्पीय अधिवेशनामध्ये केंद्रीय अर्थसंकल्प सादर केला. या मध्ये आरोग्य क्षेत्रासाठी भरीव तरतूदी करण्यात आलेल्या आहे. या क्षेत्रातल्या संशोधनावर लक्ष केंद्रीत करण्यात आलं आहे.

मॅनहोल सफाई करणाऱ्या कर्मचाऱ्यांनाही दिलासा या अर्थसंकल्पाच्या माध्यमातून देण्यात आला आहे. आता नालेसफाई मशीनद्वारे करण्यात येणार आहे. कोणताही कर्मचारी सफाईसाठी मॅनहोलमध्ये उतरणार नाही, अशी घोषणा सीतारामन यांनी केली आहे. तसंच २०४७ पर्यंत अ‍ॅनेमिया संपवण्याचं देशाचं उद्दिष्ट असल्याचंही सीतारामन यांनी म्हटलं आहे.

आरोग्य क्षेत्रासाठी अर्थसंकल्पात करण्यात आलेल्या घोषणा खालीलप्रमाणे -

• शहरांमध्ये नालेसफाई मशिनद्वारे करण्यात येणार, मॅनहोलमध्ये कर्मचारी उतरणार नाही

• २०४७ पर्यंत अ‍ॅनेमिया संपवणार

• ४४ कोटी ६० लाख नागरीकांना जीवन विमा मिळणार

• वैद्यकीय क्षेत्रात संशोधन करणार

• ११.७ कोटी कुटूंबासाठी शौचालय उभारणार

• फार्मास्युटिकल क्षेत्रातल्या संशोधनाला प्रोत्साहन देण्यासाठी नवा कार्यक्रम राबवण्यात येणार

• खासगी आणि सार्वजनिक वैद्यकीय क्षेत्रातल्या संशोधकांसाठी आय़सीएमआऱ प्रयोगशाळांमध्ये सुविधा उपलब्ध करुन दिल्या जातील.