केंद्रीय अर्थमंत्री निर्मला सीतारामन (Nirmala Sitharaman) यांनी आज देशाचा अर्थसंकल्प (Budget) संसदेत सादर केला आहे. मोदी सरकारच्या कार्यकाळातील हा तिसरा अर्थसंकल्प असून केंद्रीय मंत्री निर्मला सीतारामन यांचा अर्थमंत्री म्हणून चौथा अर्थसंकल्प आहे. दरम्यान अर्थसंकल्प सादर झाला असून आता विविध क्षेत्रातील मान्यवर, राजकीय नेत्यांकडून यावर प्रतिक्रिया येण्यास सुरुवात झाली आहे. राज्याचे जलसंपदा मंत्री जयंत पाटील (Jayant Patil) यांसदर्भात ट्वीट करत मोदी सरकारला टोला लगावला आहे.

यात ते म्हणतात, हा अर्थसंकल्प नव्हे निवडणूक संकल्प आहे, असा टोला त्यांनी लगावला आहे. दरम्यान, देशावर दोन वर्षांपासून कोरोनाचं (Corona) संकट ओढावलं असून अशा परिस्थितीत देशासह जागतिक अर्थव्यवस्थेसमोर यातून सावरण्याचे आव्हान आहे. अर्थव्यवस्थेला (Budget 2022) उभारी मिळण्यासाठी या अर्थसंकल्पाकडे सर्वांचे लक्ष लागून राहिले होते. त्याप्रमाणे आज हे सादर झाले आहे. मात्र आता यावरून सत्ताधारी आणि विरोधक यांच्यात आरोपप्रत्यारोप आणि प्रतिक्रिया सुरु झाल्या आहेत.