नवी दिल्ली : आज केंद्रीय अर्थमंत्री निर्मला सीतारामन (Nirmala Sitaraman) यांच्याकडून केंद्रीय अर्थसंकल्प (Union Budget 2022) मांडला जात आहे. यामध्ये सरकारने डिजिटलायझेशच्या दृष्टीने अधिक घोषणा केल्या आहेत. यामध्ये भारत सरकार डिजिटल चलन (Digital Currency) सुरू करणार असल्याची महत्वाची घोषणा निर्मला सीतारामन यांनी केली आहे.

रिझर्व्ह बँक ऑफ इंडियाकडून डिजिटल करन्सी सुरू करण्यात येणार असल्याची माहिती अर्थमंत्री निर्मला सीतारामन यांनी केली. २०२२ ते २०२३ या कालावधीत डिजिटल चलन येईल, त्यामुळे अर्थव्यवस्थेला मोठी उभारी मिळेल. डिजिटल अर्थव्यवस्था हेच २०२३ पर्यंतचं लक्ष्य असणार आहे, असं अर्थमंत्री सीतारामन म्हणाल्या.

यंदा क्रिप्टो करन्सी लाँच होणार -

देशात यंदा क्रिप्टो करन्सी लाँच होणार आहे. क्रीप्टो करन्सीमधील कमाईवर ३० टक्के कर आकारण्यात येणार आहे, असं सीतारान यांनी सांगितलं.