धुळे : शहरातील पांझरा नदीकाठावरील श्री सिद्धेश्वर गणपती मंदिर चौकाचे सुशोभीकरण होणार आहे. तसेच रस्त्यालगत अद्ययावत पद्धतीचे पथदीप बसविले जाणार आहेत. त्यामुळे शिवाजी रोडचा चेहरामोहरा बदलणार आहे. (1 crore sanctioned for street lights including Siddheshwar Mandir Chowk dhule news)

याकामी भाजपचे शहर-जिल्हाध्यक्ष अनुप अग्रवाल यांनी एक कोटीचा निधी मंजूर करून आणला आहे. त्यांच्या समर्थकांनी ही माहिती दिली.

पांझरा नदीकाठी पुरातन श्री सिद्धेश्वर गणपती मंदिर आहे. सिद्धेश्वर मंदिर चौक सुशोभित व्हावा, त्याचे सुशोभीकरण केल्याने परिसराचा कायापालट होईल. हा परिसर निसर्गरम्य होईल या उद्देशाने श्री. अग्रवाल यांनी चौक सुशोभीकरणाचा तसेच शिवाजी रोडचा कायापालट करण्यासाठी शासनाकडे पाठपुरावा केला.

हेही वाचा : जीएसटीसाठी नोंदणी केलीच नाही तर??

त्यास यश आले. राज्य शासनाने महापालिका क्षेत्रात मूलभूत सोयी-सुविधांच्या विकासासाठी विशेष तरतूद योजनेंतर्गत महापालिकेला एक कोटी रुपयांचा निधी दिला आहे. या निधींतर्गत लवकरच प्रत्यक्ष कामाला सुरवात होऊन सिद्धेश्वर गणपती मंदिर चौक सुशोभित होईल आणि शहराच्या वैभवात भर पडेल, असे श्री. अग्रवाल यांनी सांगितले.