धुळे : वार्सा- मोहगाव रोडवरील मांजरी फाटा येथे (मांजरी, ता. साक्री) गस्त घालत असताना संशयित वाहनांची तपासणी सुरु होती.

यादरम्यान सोमवारी (ता. २६) रात्री कारमध्ये (एमएच ०३ झेड ४०३४) अवैध देशी दारू मिळली, अशी माहिती राज्य उत्पादन शुल्क विभागाचे साक्री विभागील दुय्यम निरीक्षक बी. एस. चोथवे यांनी दिली.

वाहनचालकाची कसून चौकशी केली असता परराज्यातील विदेशी मद्याचे १७० बॉक्स मिळाले. वाहनचालक विनायक सुकऱ्याआकल (मावची, रा. शेंदवड, ता. साक्री) यास पथकाने अटक केली. (13 lakh worth of goods seized by Bharari pathak dhule news)

हेही वाचा : क्रेडिट कार्ड वापरताय...मग या गोष्टी माहिती हव्याच...

त्याच्यावर राज्य दारूबंदी कायद्यान्वये गुन्हा नोंद झाला. पथकाने कारसह १३ लाख ५४ हजाराचा मुद्देमाल ताब्यात घेतला. ही कारवाई अधीक्षक मनोज शेवरे यांच्या मार्गदर्शनाखाली श्री. चोथवे,

शिरपूरचे निरीक्षक एस. एस. हांडे, भरारी पथकाचे निरीक्षक डी. एल. दिंडकर, शिंदे, मानकर, निकुंबे, जवान गोरख पाटील, देवरे, गोसावी, वाहनचालक नीलेश मोरे यांनी केली.